காலையில் அம்மாவின் பால சாதமும்
அதை ஊட்டுகையில் அவளது விரல் சுவையும்
பையில் இடைவேளைசாப்பாடு
கொஞ்சம் தண்ணீர்
ஒரு துண்டு சாக்லெட்

முதல் மணி அடிக்கும் போது
பள்ளிகூரை பற்றிகொள்ளும் என்று
சொல்லவே இல்லையே அம்மா!
மறந்துவிட்டாளா!
அவளுக்கு தெரிந்திருக்கவில்லையோ!
இந்த டீச்சர் எங்கே போனாள்?

அதற்குள் சாப்பிட்டுவிடலாம் இந்த சாக்லெட்டை!
னினைவுகளை எரிக்கும் விதமாய்
சர்ரென பிஞ்சுத் தொடையில் பாய்ந்து துளைக்கும்
எறியும் தீக் கட்டை
சாக்லெட்டு உருகிவிடுமோ!
கண் ஏன் சொக்குது
முடிவில்லாத இருள்!!
அம்மா எங்கே! சாக்லெட் எங்கே!